Ja’ ku yáalkab yáan u luumil jejeláas nojlu’um

Ja’ akakbaj yáan lu’ume’ ma’ táan u páajtal k ilik. Ma’ u páajtal a wilik bey a wilik jump’éel yook ja’e’, wáaj bey chulte’e’, wáaj bey áak’ale’, wáaj bey k’áak’náabe’.

Ti buka’aj ja’ uk’bil yaan way yóok’ol kaabe’, u ya’abile’ ti’ ku yáalkab yáan lu’ume’.

Ya’ab xan le ja’ ku yáalkab yáan lu’uma’ –acuifero ku ya’ala’alo’– yaan k’iine’ ku yáalkab yáan u lu’umil jejeláas nojlu’um. Le yóok’laj túune’ le ja’a’ ku k’aaba’ta’al acuífero transfronterizo.

Le yóok’laj xan túun le je’ela’, le nojlu’umo’ob nupa’antako’ob tumen jump’éel u sayabil ja’e’ unaj u t’aano’ob ti’al yiliko’ob bix unaj u meyajto’ob, bix unaj u kaláantiko’ob.

Yaan kex 600 bin u sayabilo’ob ja’ nupik u lu’umil nojlu’umo’ob ti’ tuláakal yóok’ol kaab.